高纖全麥消化餅(少甜版)Whole Wheat Digestive Biscult 食譜 . . 所需材料份量 1. 全麥麵粉 160g 2. 無鹽牛油 60g 3. 三溫糖 15g(想好味d可以加到37g) 4. 無鋁泡打粉 0.7g 5. 鮮奶 37ml 6. 鹽 一小撮 步驟: 先將全麥麵粉、泡打粉、三溫糖、鹽、牛油(切粒)一次過加入,牛油可從雪櫃直接拎出黎用 用手慢慢捽碎d牛油,要盡量令所有麵粉都沾上牛油 加入鮮奶,然將所有野混合搓成團 下面鋪一張牛油紙,將曲奇團放上去,再鋪多張牛油紙係面,用麵棍慢慢壓薄麵團,唔洗太薄,大約3mm左右,否則會無乜口感 將面頭張牛油紙拎走,鋪落焗盤墊底,然後開始吸模,將一塊塊曲奇印好擺上焗盤,剩餘既曲奇團可以再組合埋佢,再壓平吸模 <預熱焗爐至170度> 用牙籤隨意將曲奇篤一個個隆 170度, 上下火熱風對流模式, 焗20分鐘即成 . . 一開爐聞到滿滿既麥香, 咬落酥脆可口, 不如暫時拎走包薯片,嘆下一塊自家製既全麥餅乾丫